பேருந்தலோ வாழ்க்கை - புதுக்கவிதை.
அ.எபநேசர் அருள் ராஜன்
ஏதேன் வீதி
புளியங்குடி
தென்காசி மாவட்டம்
தொடர்புக்கு: 9597674922
ebenezerarulrajan@gmail.com
தினமும் பேருந்து ஒன்றை
வியர்த்தலின் பின்புலத்தில்
ஓடி
பிடிதலறியா ஊசலாய் பற்றி
சக்கர ஊர்தலின் சாதுர்யமறியாமல்
இயக்க இயங்குதலின்
சூத்திரம் தெரியாமல்
விதி மதிகளின்
விசை புரியாமல்
ஏறும் இறங்கும்
படி பாராமல்
அவசரங்களை உடுத்தி
அழுத்தங்களைத் தூக்கி
இறுக்கங்களைக் கட்டி
சென்று மீளுமெனக்கு
வாழ்க்கைப் பேருந்தின்
சூட்சுமம் தெரியுமோ...
என்னவோ எண்ணமோ - புதுக்கவிதை.
மறதித்தண்ணீரைக் குடித்து
எண்ணத்தூக்க மாத்திரை விழுங்கியும்
உறக்கக்கண்கள்
துயில் கொள்ளாமல் சிறையிருக்கின்றன
குப்பையில் வீசிய
என் பால்ய வயது
பாய் தலையணையிலேயே...
கருத்துகள் இல்லை:
கருத்துரையிடுக